LEGAZPI CITY – Labi an nerbyos asin supog na namatean ni Errol Capuz, 29-anyos na nadakop na nanghahabon nin pambulang na manok sa P-4, Brgy. Gapo Daraga, Albay.
Ini an sabi kan barangay tanod kan nasambitan na lugar na naghatod ki Capuz sa istasyon kan pulis.
Base sa report, binurukod ini kan mga tawo sagkod sa madakop makalihis na maaktuhan na nanghahabon nin manok.
Sigon pa sa impormasyon, kugos pa giraray kan suspek an pulang pambulang na manok na sadiri ni Joel Lopos maski nagwawalwal na an dila kaini sa pagdalagan.
Napag-araman na gikan pa si Capuz sa P-1, Brgy. 31, Baybay, Legaspi City kun sain sya nag-iistar.
Kan mag-abot an mga tanod sa hepatura kan pulisya na bitbit an suspetsado, nanotaran an mga bakros asin ludog kaini sa payo.// Ginulpi suboot ini kan mga taga-barangay na nagbukod ngani na madakop sya.
Sasangatan nin kasong theft an suspek huli sa panghahabon kan nasambitan na hayop.
