LEGAZPI CITY- (Update) Pigpapaeksplikar ngonian kan Albay Public Safety and Emergency Management Office (APSEMO) an Provincial Environment and Natural Resources Office (PENRO) katakod kan mga nareresibeng impormasyon na dagos pa an operasyon sa quarry sites sa danger zones kan Bulkang Mayon.
Sa intrevista kan Bombo Radyo Legazpi ki APSEMO chief Dr. Cedric Daep, pig-aaram pa kun anong kompanya an nag-iimplementar kaini mantang tinawang-duon na mahigot an pagbabawal sa paglaog sa danger zones sa huma kan nag-aalburotong bulkan.
Apelar pa ni Daep sa pulisya na pahigoton an pagbabantay urog na sa gobierno man giraray suboot an balik en kaso makaag sa alanganin na sitwasyon an mga nagbabayolar sa mga security measures.
Segun man ki Albay Police Provincial Office spokesperson PC/Insp. Arthur Gomez, oras an pigbabayadan sa mga ini mantang naghahabol man kan kontrata sa delivery para sa transhipment kaya’t napipiritang maglaog sa danger zones sa ibong kan ipinapaotob na ‘strictly no human activity.’
Hagad man kan pulisya an magkaigwa nin dialogue kaibanan an mga operators kan mga quarry sites, APSEMO siring man sa PENRO tangarig na masettle an isyu.
