LEGAZPI CITY — Kinumpirmar kan provincial government of Albay (PGA) na sasaguton kaini an electricity asin water bills sa mga eskwelahan na piggibong temporary shelter kan Mayon evacuees.
Segun ki Danny Garcia, tagapagtaram ni Gov. Al Francis Bichara, inaprubahan sa nakalihis na meeting kan Provincial Disaster Risk Reduction and Management Council (PDRRMC) na an PGA an mabayad kan bill sa kuryente alagad an sobra sana sa regular na pigbabayadan kan eskwelahan.
Halimbawa, regular na pigbabayadan suboot kan eskwelahan sa kuryente an P10,000 asin nag-abot ini sa ngonian na P18,000, an nagsobrang P8,000 an iko-cover sana kan gobierno.
Afuera sa kuryente, an sobra man liwat sa water consumption kan eskwelahan an babayadan kan PGA.
Mientras tanto, segun man ki Albay Power and Energy Corporation (APEC) spokesperson Pat Guitierrez, dae pa sinda nagkokondusir nin reading.
Pwedesir man suboot magpasiring sa saindang opisina an barangay kapitan o mga lider na mawot na magpa-isolate kan barangay na sakop kan danger zones.
