LEGAZPI CITY — Nakadetine ngunyan sa National Bureau of Investigation (NBI) an sarong nagpapabistong alkalde kan banwaan kan Uson, Masbate.
Segun sa impormasyon, nahahampang sa kasong estafa an suspek na si Lino Espinosa Lim, Jr., kun sain an saiyang pinakahuring biktima an nakuwaan kaini nin harong P14.5 million.
Napag-araman na dati ining nagdalagan na alkalde kan nasambitan na banwaan alagad nadaog.
Katakod kaini, nagpapabisto man giraray ini na alkalde asin igwa suboot na haraning koneksyon ki Presidente Rodrigo Duterte, Senate President Aquilino “Koko” Pimentel III, asin abogadong si Fred Lim kan Philippine Gaming Corporation (PAGCOR) ngani na maloko an aiyang mga biktima.
Nadakop an suspek makalihis na maipaluwas an mandamiento de aresto na ipinaluwas kan Mandaluyong asin Paranaque regional trial courts.
