LEGAZPI CITY- (Update) Nahale na sa lugar an nagsadsad na barko sa kadagatang sakop kan Barangay Layog, banwaan kan Barcelona sa Sorsogon.
Sa intrevista kan Bombo Radyo Legazpi ki PO3 Erwin Estaras, investigator on case kan Barcelona Municipal Police, nakakua nin tugboat an crew kan nasabing barko na hale pa sa Cebu kun kaya nahatak na ini kan Mayo 18.
Magigirumduman na Mayo 14 kan ma-stuck sa mga bato sa nasabing parte kan kadagatan huli sa kusog kan ukol asin paros an MV San Roque SMB-11 na hale pa sa Tubay, Agusan Del Norte asin mapasiring kuta sa Virac, Catanduanes tangarig na magkarga kan heavy equipment.
Inasegurar man kan nasabing opisyal na warang ibang nadanyos na bahura sa nasabing insidente.
Kinumpirmar man ini sa nagin pagbisita kan mga personahes kan Bureau of Fisheries and Aquatic Resources (BFAR) asin lokal na gobierno kan Barcelona. VC_PO3 Erwin Estaras
