LEGAZPI CITY- Dae man nin mangyayaring re-routing sa aga sa pagbubukas kan Le Tour de Filipinas 8th Edition sa syudad kan Legazpi.
Ini an kinumpirmar ni PSUPT Nilo Berdin, hepe kan Legazpi Central Police Station.
Alagad sigon digdi, mantang nag-aagi an poco mas o menos 73 na siklista gikan sa manlaen-laen na nasyun, paramientras na ipapasarado an nagkapirang tinampo arog kan sa Legazpi Boulevard, San Roque, Ramon Santos, Rizal St., Aquinas University, Caltex Lakandula, Aquende Drive, Kapitolyo, City Hall asin Daraga.
Sienerto ni Berdin na madali man sana an mangyayaring pagsarado kan mga ini kun kaya pangapodan nya sa mga motorista na makikooperar para sa paz y orden durante kan international event.
Ma-deploy man suboot sinda nin mga pulis sa gabos na intersection na maaagihan kan mga siklista, 40 motor, asin 60 na convoy.
Sigon pa sa hepe, maswerte an Legazpi sa liwat na pagkakapili bilang stopping point kan Le Tour kun kaya dapat na i-akomodar ini sa matoninong na paagi.
