LEGAZPI CITY- Aminado an sarong political analyst na nagkapirang mga Senator judges an ipigbubusol na maibasura an impeachment kontra ki Vice President Sara Duterte huli ta nahahadit an mga ini sa backlash kan mga suportadores kan pamilya Duterte.
Paliwanag ni Atty. Michael Henry Yusingco sa intrevista kan Bombo Radyo Legazpi na nahiling kan nagkapirang mga senador sa nakalihis na 2025 national and local elections na makamandag pa an impluwensya kan pamilya Duterte.
Nahahadit suboot an nagkapirang mga senador na ibaling sainda an dagit kan mga suportadores kan pamilya Duterte asin dae manggana sa masunod na pirilian.
Paliwanag kan nasabing political analyst na pig-iisip tulos kan nagkapira kun papano manggagana sa 2028 elections.
Segun ki Yusingco na nananaig an partisan consideration kaysa sa pagtataong importansya sa konstitusyon.
