LEGAZPI CITY- Ikinaogma kan mga apektadong residente kan nag-aalburotong bulkang Mayon an nagin pagbisita kan nagkapirang senador sa Albay tangarig na personal na mahiling an sitwasyon kan mga ini.
Magkakaibanan sinda Senator Nancy Binay, Sonny Angara, Joel Villanueva, Migz Zubiri, Wyn Gatchalian asin JV Ejercito sa paglilibot sa mga eskwelahan na nagsisirbeng temporary shelters kan mga evacuees mientras na kasabay man sinda Cong. Alfredo Garbin Jr. asin Cong. Rodel Batocabe kan Ako-Bicol Partylist (AKB).
Dara man kan mga ini sa pagbisita an ibinariwas na mga relief supplies na compuesto kan hygiene kits, tuwalya asin malinig na inumong tubig para sa mga evacuees kan ciudad kan Legazpi, banwaan kan Daraga asin Camalig.
Afuera pa sa mga senador, naglibot man si Health Secretary Francisco Duque III na nag-abot man ngonian na aldaw.
Mayor na concern kaini an kamugtakan kan mga residente na nasa evacuation centers urog na an mga naibaretang nagkakahelang.
Inasegurar man kaini an tulos na pagtataong-asistensya kan mga nakaantabay na DOH team sa provincia.
