LEGAZPI CITY- Sinabat kan nagkapirang residente sa Legazpi City an pasko sa mga evacuation centers.
Ini makalihis makapagrehistro nin mga pagbaha sa nagkapirang barangay huli sa warang patod na mga pag-uran na dara kan shearline.
Segun ki Legazpi City Mayor Alfredo Garbin Jr. sa intrevista kan Bombo Radyo Legazpi na marikas na nagpaotob nin forced evacuation kasubanggi ngani na madara sa salbadong lugar an mga residente.
Napag-araman man na an nagkapira sa mga evacuees an nag-uli na sa saindang mga harong ngunyan na aldaw.
Sa ibong kaini, inabusuhan kan alkalde an mga Barangay Disaster Risk Reduction ana Management Officials na magtenir na alerto asin bantayan urog na an mga nagtetenir sa mga low lying areas enkasong magpadagos pa an maraot na panahon.
