LEGAZPI CITY- Napatos nin mahibog na abo an parate kan Barangay Buraburan sa banwaan kan Juban, Sorsogon huli sa nangyaring phreatic eruption kan bulkang Bulusan.
Pag-istorta kan residente na si Rolando Ramos sa intrevista kan Bombo Radyo Legazpi na na haros nag zero visibility kasubagong aga huli sa hibog kan abo na ibinagsak kan bulkan.
Napag-araman na marikas man na nagbarewas nin face mask an lokal na gobierno kan Juban asin an gobierno provincial kan Sorsogon.
Segun ki Ramos na solamenteng an mga tinampo an nagigin sentro kan clearing operations alagad an mga abo sa mga kahoy an nagtetenir man liwat.
Huli digdi, mas pigpipili suboot kan mga residente na magtenir muna sa laog kan harong huli sa pagkahadit sa epekto kan abo sa salud, urog na kan mga kaakian.
