LEGAZPI CITY- Dismayado an nagkapirang Pilipino na nagtatrabaho sa Israel makalihis na maaraman na limitado sana an matatawanan nin oportunidad na makahampang nin personal si Presidente Rodrigo Duterte sa pagbisita sa nasabing nacion.
Sa report ni Bombo International Correspondent Anna Arizala asin nagtitindog na Vice President for External Affairs kan Association of Bicolanos in Israel sa Bombo Radyo Legazpi, nasa 1, 300 katawo sana an imbitado kan Philippine Embassy sa Middle East country kaya’t tigsa-10 representante sana sa labi sa 20 organisasyon kan mga Pinoy duman.
Pag-intindi man an apela kan mga opisyal sa nacion urog na isyung panseguridad sana an pigsasaisip.
Napag-araman na nag-agi pa sa mahigpit na screening an mga tutugutan sa venue sa Ramle na gabos an excited na sa historikong pagtiripon.
Mientras tanto, nangangalas man si Arizala sa “unusual visit” kan sarong Philippine president sa “Holy Land” makalihis an anom na dekadang pinakusog na diplomatic ties kan duwang nacion puon kan 1957.
Napag-araman na puon kan Setyembre 2 hasta 5 an pagbisita ni Duterte asin piglalaomang dayalogo ki Israel Prime Minister Benhamin Netanyahu.
