LEGAZPI CITY – Kinumpirmar kan nagkapirang Pinoy sa Hong Kong an pagdakol kan mga nagbabakal nin face mask sa Hong Kong makalihis na magbungkaras an kariribukan asin mahiwasang hiro-protesta.
Sa report ni Bombo International Correspondent Jun Mendez sa Bombo Radyo Legazpi, pigagamit an nasabing bagay kan mga raliyesta asin mga apektadong residente kun nagtatapok nin tear gas an dispersal team kan Hong Kong police.
Igwa pa suboot na mga boluntad na nagpapadara nin face masks para sa mga protesters na parte kan mga nakikisimpatiya sa hiro-protesta.
Alagad napag-araman man na nagkapirang package na hali sa Taiwan asin ipigpapadara sa Hong Kong an pig-uulang urog na kun helmet asin face mask an laog.
Sa erpuerto pa sana suboot, pigho-hold na an mga ini tangarig na dae na makaabot pa sa mga protesters.
