LEGAZPI CITY – Padagos an pagruso kan mga pasahero sa Legazpi City Grand Terminal pirang aldaw makalihis an holiday season nganing aprobitsaran an mga byahe pabalik sa saindang trabaho.
Segun sa pasaherong si Robert Lee Rodriguez sa intrevista kan Bombo Radyo Legazpi na mabalik na siya sa Laguna para sa saiyang trabaho makalihis magpasko asin bagong taon kaiba an saiyang pamilya sa Sto. Domingo, Albay.
Punto niya na kaipuhan niya nang maka-byahe huli ta nakatalaan na siyang magbalik sa trabaho sa maabot na lunes, Enero 5.
Madepende man suboot an magigin durasyon kan saiyang byahe sa magigin kamugtakan kan trapiko pasiring sa saiyang pigteteniran sa Laguna.
Plano man ni Rodriguez sa masunod niyang pag-uli sa rehiyon kan Bicol an amay na pagpa-book nganing dae na siwa liwat magin chance passenger.
