LEGAZPI CITY – Namumundo an mga nagkapirang OFW sa Australia sa sitwasyon ngonian kan politika sa Pilipinas urog na ngonian na paparani na an 2025 Midterm Elections.
Segun ki Bombo International Correspondent Denmark Suede sa intrevista kan Bombo Radyo Legazpi na namumundo ini na dae nagpapahiling sa mga debate an mga kandidato na nangengenot sa mga survey.
Kun pwede sana suboot na mag-migrate sa mars an gigibuhon niya ini kun arug kaan an mga gawi kan mga nagdadalagan sa pulitika sa Pilipinas.
Nakakamundo kun dae mapipili an mga kandidato na kompleto an track records nin huli ta padagos na nagpapaloko an kadaklan sa mga botante.
Pigtaram pa kaini na dapat masabutan kan mga botante sa Pilipinas na an dapat botohon na senador iyo an tatao maggigibo nin ley, tatao magbalangkas kan foreign treaty asin bako su mga nagbayle sana sa entablado asin mga nahihiling sa mga pelikula.
Sa Australia suboot an may magkakanigong multa kun dae ka makakaboto bako arug sa Pilipinas na pigbabayadan kan kandidato ngani na bomoto.
Pagdoon pa ni Suede na nuarin man an dae mabago an sistema kan pirilian sa pilipinas kun may mandaraya asin may padagos na nagpapadaya.
