LEGAZPI CITY-Naglayas an kadaklan sa mga delegado na nag-atendir sa United Nations General Assembly sa New York, antes an pagtatao nin diskurso ni Israeli Prime Minister na si Benjamin Netanyahu.
Kadaklan sa mga nacion na naghale, dai nag-uyon sa gera na ginibo kan Israel asin kan Estados Unidos sa Iran.
Si Netanyahu dai nag-alangan asin nagpadagos kan saiyang pagtataram.
Sinabi niya na dapat sindang magpasalamat sa Israel huli ta kun dai ninda inatake an mga nuclear facility kan Iran, tibaad gadan na sinda gabos sa ngonian.
Sa giraray, ipinag-orgulyo niya an pahayag ni U.S. President Donald Trump na mapanggana nindang nadstroso an mga kakayahang militar asin nukleyar kan Iran.
Nagkapirang grupo an kaiwal kan Israel arog kan Hamas, Hezbollah, Houthi, an Iran, siring man an mga grupo sa Iraq, kabale an Syria asin Palestine.
Sinabi niya na wara sindang makusog na kaalyado afuera sa Estados Unidos.
