LEGAZPI CITY- Nagpaabot nin pasasalamat asin kaugmahan an mga Mayon beneficiaries kan emergency employment program ng Department of Labor and Employment (DOLE) makalihis maresibe na an enot na sweldo.
Marurumduman na Enero 29 kan puunan an 10-day cash for work program kan ahensya mantang kan weekend ipinaabot na an enot na sweldo kan mga benepisyaryo na pighihiling na dakulang tabang urog pang balik na sa normal an laog kan mga estudyante.
Sa intrevista kan Bombo Radyo Legazpi kay Acting Regional Director Rubilinda dela Rosa, target kan DOLE an nasa 10,000 beneficiaries na makaresibe nin P290-daily wage kun sain dae man suboot nagaabot nin walong oras an durasyon kan trabaho.
Nasa enot na stage pa sana suboot sinda kan profiling o nasa 4,000 beneficiaries pa sana hali sa walong evacuation centers mantang nagpapadagos pa an pagproseso.
Mientrastanto, nakatalaan man na bumisita sa Pebrero 8 si Labor Secretary Silvestre Bello III ngani na magdara nin dugang na relief support sa Provincial Government of Albay siring man si Overseas Welfare Workers Adminstration (OWWA) chief Hans Cacdac sa pagpapa-abot nin tabang sa mga apektadong kaparientes kan overseas Filipino workers (OFWs).
