Kinumpiskar kan mga otoridad ngunyan na Huwebes, Enero 8, an nagkapirang lunadan ni dating Ako Bicol Party list Representative Zaldy Co.
Nadukayan an suboot luxury vehicles ni Co sa sarong parking lot nin condominium unit sa Bonifacio Global City (BGC). Nasa 15 behikulo an nadukayan sa nasabing parking area.
Alagad sa ngunyan, dae pa natutukoy kan mga otoridad kun sisay an may kagsadiri kan parking lot siring man an condo unit sa nasabing edificio.
Sa presente, nagtitinir na at large si Co asin pigtutubudang nasa luwas kan nacion. Kamakailan, panibagong kasong plunder an isinunad na kaso ki Co na may kinaaraman man liwat sa maanomaliyang flood control projects.
Tinawan siya nin palugit sagkod sa Enero 15 nganing magsumiter kan saiyang counter-affidavit.
