Dagsa na an mga parabakal sa Legazpi City Public Market nagkapirang oras antes an pagsabat kan Bagong Taon.
Nakapagrehistro man nin paglangkaw sa presyo sa nagkapirang klase nin prutas.
An kada kilo kan ubas na dating nasa P280 an naglangkaw pasiring sa P300 kada kilo mantang an Pakwan na dating nasa P50 hasta P60 an kilo an mababakal na ngunyan sa P70 hasta P80 kada kilo.
An orange man an nasa P40 na ngunyan kada saro hali sa dating P35, Ponkan na dating nasa P10 an mababakal na ngunyan nin P25 kada duwang pisado, an sadit na mansanas na dating P10 kada saro an nasa P15 na ngunyan.
Naglangkaw man an presyo kan chico na dating nasa P120 kada kilo asin ngunyan nasa P140 kada kilo na.
