LEGAZPI CITY – Ipigdoon kan mga Jeepney Driver sa ciudad nin Legazpi an ipigbubusol na dagdag na 2 pesos na pamasahe sa jeep.
Magigirumduman na pigkokonnsiderar kan Land Transportation Franchising and Regulatory Board (LTFRB) na itaas an minimum na pamasahe sa jeep hale sa 13 pesos, na magigin 15 pesos.
Segun ki Ronald Jumagdao na sarong Jeepney Driver sa intrevista kan Bombo Radyo Legazpi na an pagtaas nin pamasahe an makakadugang sa saindang ganansya na makakatabang man sa saindang pang urualdaw na konsumo.
Kun dae suboot magtaas an pamasahe, malulugi sinda sa krudo kun kaya dawa pa nahihirak siya sa mga komyuter an pabor man giraray siya sa 15 pesos na pamasahe.
Dugang pa niya na kun maglangkaw man an presyo kan produktong petrolyo, pamasahe, asin barakalon dapat na halangkawan man an sweldo kan mga tawo sa nacion.
