LEGAZPI CITY—Sarong ipo-ipo an nanalasa sa pirang kaharongan sa Barangay Punta Waling-Waling Dalisay, Donsol, Sorsogon.
Segun ki Municipal Disaster Risk Reduction and Management Office Donsol Head Bryan Garrido, sa intrevista kan Bombo Radyo Legazpi, na nagdurar an nasabing ipu-ipo nin haros tulong minuto.
Nagpuon ini sa kadagatan kaya may bastanteng oras pa an mga residente na makahali sa lugar.
Wara man na nairehistrong binawian nin buhay, nairido, o inebakwar alagad nagkapirang pagrugaring an nagsapo nin danyos.
Kabale digdi an mga nilayog na mga bubong asin kisame, magin may nagkaturumba na mga motor.
Dugang kan opisyal na maabot sa 15 kaharongan an apektado asin sa presente an nasa irarom pa ini nin validation kan Municipal Social Welfare and Development Office.
Mientrastanto, mensahe kaini sa namamanwaan na mag-ingat asin en kaso may na manutaran na siring na pangyayari tulos ining ipaaram sa mga residentes o sa otoridad nganing makapreparar.
