LEGAZPI CITY- Piglalaoman an pag-abot kan haralangkaw na opisyal kan gabinete ni Presidente Rodrigo Duterte sa Bicol tangarig na diskutiron an pagpapaotob kan ipigbabang Memorandum Order 32 na obhetong mapuho an lawless violence asin kriminalidad sa apat na lugar sa nacion kaibanan an rehiyon.
Sa intrevista kan Bombo Radyo Legazpi ki Bicol Regional Peace and Order Council (RPOC) chairman asin Legazpi City Mayor Noel Rosal, paborable sa rehiyon an nasabing kasuguan urog na sa nagkapirang lugar na posibleng maikonsiderar na election hotspots.
Dugang pang preventive measure sana ini para sa mga lugar na langkaban an kariribukan asin political rivalry kan kada pamilya kun sain pinunto pa an provincia kan Masbate asin Camarines Sur.
Katakod kaini, kaibanan sa maabot sa rehiyon sa Disyembre 17 si Interior and Local Government Secretary Eduardo Año asin Defense Secretary Delfin Lorenzana sa Disyembre 18.
