LEGAZPI CITY – Pigsamantala kan nagkapirang mga colorum na tricycle an mahewasang tigil-pasada ngunyan na aldaw kun saen naobserbahan pa an mga ini sa highway.
Katakod kaini, nagpahayag kan saiyang pagkadisganar si Vince Casilihan, tagapagtaram kan Bayan Bicol kun kaya nangapudan ini sa Land Transportation Office (LTO) partikular na sa mga deputized personnel sa mga ley-trapiko.
Nilinaw pa kaining dae man ninda pigbabawalan an pagbiyahe kan mga nasabing traysikel alagad ipigduon an “rightful way kan pagbiyahe” urog na may naaksidente na mantang nagsasagibo kan aktibidad huli sa sarong colorum tricycle.
Sa pinakahurong report, 100% kan mga jeepney drivers sa Albay an nakisumaro sa nasabing lakdang mantang 85% sana sa mga tricycle; 87% sa Camarines Sur partikular na sa Naga City; haros 100% man sa Camarines Norte mantang aminado man an mga ining nanging maluya an information dissemination mapadapit sa strike sa probinsya kan Sorsogon kun saen 10% sana sa mga tricycle an nagsabay asin 15% man sa mga jeep.
Mientrastanto, kinumpirmar man ni Casilihan an presensya kan nagkapirang mga grupong obhetong manabotahe sa nagpapadagos na aktibidad.
