LEGAZPI CITY—Idineklara sa nagkapirang apektadong barangay sa banwaan kan Camalig, Albay an state of calamity huli sa nagpapadagos na aktibidad kan Bulkang Mayon, ini basado sa Resolution 285, series of 2026 kan saindang Sangguniang Bayan.
Segun ki LGU Camalig Public Information Officer Tim Florece, sa intrevista kan Bombo Radyo Legazpi, kabale sa mga nasabing lugar an Barangat Anoling, Quirangay asin Sua huli sa yaon an mga ini sa laog kan 6-kilometer radius Permanent Danger Zone kun kaya kinakaipuhan nang mag-alokar nin bako sana pondo kundi resources.
Dugang kan opisyal na maabot sa 206 internally displaced persons na an nagpuon sa Cash-for-Work Program sa irarom kan Department of Social Welfare and Development.
Mientrastanto, padagos man suboot na nakakaresibe nin mga asistensya an mga apektadong residentes gikan sa mga donasyon kan pribadong grupo asin indibidwal magin gikan sa gobierno.
