LEGAZPI CITY — Ikinahahandal na kan Philippine National Police (PNP) an padagos na pagdakol kan mga insidente nin paghugot sa probinsya kan Albay sa mga nakalihis na aldaw.
Katakod kaini, sienerto ni PCI Arthur Gomez na yaon an kapulisan ngani na magtao nin tabang sa pag-ibitar kan mga siring na insidente.
Pinayuhan man kan opisyal an mga pamilyang may historya na kan paghugot na makipagtabangan sa mga otoridad ngani na maaraman kun ano an mga tabang na pwedesir na itao sa mga ini.
Dae suboot dapat na masupog na ipaaram kun igwa nin pigsasapar na depresyon an saindang kaparientes huli ta yaon an mga ahensya de gobyerno ngani na magtao nin asistensya ngani na maidulok sa mga eksperto.
Dugang pa ni Gomez, dae dapat pagsadirihon kan mga nakakamate kaini kun igwa nang nahihiling na senyales nin labing depresyon an saro sa miyembro kan saindang pamilya ngani na maibitaran an ano man na maraot na pangyayari.
Sa presente, igwa na man suboot na direktiba an mga hepe kan lambang hepatura na kun igwa nin suicide incident, tulos na makipagkoordinar sa Department of Social Welfare and Development (DSWD) ngani na mapreventeran an siring na trahedya.
