Puminakol na sa 10 katawo an nagadan huli sa pangrarapado ni bagyong Opong.
Segun kay Office of Civil Defense (OCD) Officer-in-Charge Bernardo Alejandro, na an nasabing napabareta na pagkagadan an nairehistro sa Bicol Region asin sa Eastern Visayas.
Saindang ibiniberipikang marhay an pitong nagadan sa Region 8 asin siyam na nawawara mantang sa Rehiyon 5 an igwang tulong nagadan asin saro an nawawara.
Pigsierto kaini na padagos an saindang monitoring asin pagtao nin asistensya sa mga apektadong lugar.
Igwang 12 milyong indibidwal an naapektaran asin piglalaoman kaining mataas pa an nasabing numero.
Nakahanda na an saindang mga air assets na siyang matao enkaso may pirang lugar na mapagalang maabot huli sa pagbaha.
Magigirumduman na sinabi kan Philippine Atmospheric, Geophysical and Astronomical Services Administration (PAGASA) na posibleng magluwas sa Philippine Area of Responsibility an Bagyong Opong ngonian na aldaw nin Sabado, Setyembre 27.
 Officer-in-Charge Bernardo Alejandro, the reported deaths were registered in the Bicol Region and Eastern Visayas.){kind=link}