LEGAZPI CITY – Riribayan na an labi 101 kilometro kan riles hale sa syudad kan Naga pasiring sa syudad kan Legazpi katakod naman kan rehabilitation asin improvement program kan Philippine National Railways.
Segun ki Engr. Jose M. Florece, Division Manager kan PNR-Bicol, an mga trabahador hale sa engineering department an nagsasagibo kan proyektong pagsalida kan riles o an railway replacement project.
Dugang ni Florece, naglalaom sinda na makukumpleto an proyekto asin mailulunsar an nakatalaang Naga-Legazpi trips sa Pebrero 15 ngunyan na taon.
Kun babalikan, nasuspinde an serbisyo kaini kan Hulyo kan nakalihis na taon.
