Piglinaw ni Naga City Mayor asin dating Bise Presidente Leni Robredo na wara siyang planong magdalagan sa arin man na halangkaw na posisyon sa 2028 national elections.
Segun sa alkalde, dakul pa siyang dapat tapuson sa ciudad nin Naga kun kaya nakatututok an saiyang atensyon sa presenteng pamamahala kaini.
Nanindugan man ini na dae siya ma-file para sa arin man na national position sa masunod na eleksyon.
Aminado man si Mayor Robredo na halipot sana an tulong taon na termino sa lokal na gobierno, kun kaya mas mawot niyang mas tutukan an mga programa kan ciudad asin an pangangaipo kan saiyang mga namamanwaan.
Dugang pa kaini, dakul an nag-eenganyar saiya na magdalagan liwat para sa mas halangkaw na posisyon, alagad mantenidong nakatutok sa saiyang presenteng responsibilidad bilang alkalde kan Naga.
