LEGAZPI CITY- Napabilib kan Mayon evacuees sa banwaan kan Sto. Domingo an alkalde kan ciudad kan Naga makalihis an liwat na pagbisita sa provincia kan Albay.
Ipighayag ni Naga City Mayor John Bongat sa intrevista kan Bombo Radyo Legazpi an pag-omaw sa positibong pagtubod kan mga evacuees sa ibong kan pig-aagihan na problema katakod kan nag-aalburotong bulkan.
Saro sa mga pighahangaan kan opisyal an tradisyon sa lugar na dae na naglalaom sa mga eskwelahan an mga residente tangarig na magsirbeng evacuation center alagad nagkukusa na sanang magconstruir nin sadiring makeshift shelters.
Sa paagi suboot kaini, makakabawas sa mga klase na posible pa kutang mapendiente.
Mientras tanto, nagdara man ini nin ayuda para sa mga nasabing residente mientras na nagpromesa na liwat na mabalik tangarig na magdara nin dugang na asistensya para sa obhetong makatabang sa mga kapwa Bicolano na nasa tahaw kan krisis.
