LEGAZPI CITY – Dakula an pasasalamat kan kapulisan sa pagkakadiskubre kan sarong drug den sa banwaan kan Daraga huli ta harani suboot ini sa sarong eskwelahan.
Segun ki P/Supt Elcid Roldan, hepe kan Daraga MPS, makahandal ini kun nagpadagos an saindang operasyon huli sa posibilidad na posibleng maimpluwensyahan an mga kaakian sa kataid kaing eskwelahan o pwedesir na magamit an mga aki sa pagbabariwas kan iligal na droga.
Nagpasalamat man an opisyal sa pakikipagtabangan kan mga concerned citizen kaya nagin matrayumpo an nasambitan na operasyon kun sain 11 sachet an nakua sa area asin igwa man na narekober na badil.
Sa presente an badil na ini an padagos na pig-aarama kun igwang rehistro ngani na kun masangatan man nin kaso enkaso warang record.
An nadiskubreng drug den an bistadong motorcycle repair shop na pigsasabayan na nin iligal na mga aktibidad.
Mientrastanto, inako man ni Roldan na diretso na sinda sa liwat na pagbabalik sa kapulisan kan giyera kontra droga pig-aasikaso pa an mga requirements na kinakaipuhan.
Katakod kaini, nangapudan an opisyal sa mga imbwelto sa pigbabawal na bulong na magbago na ngani na dae na magbasol pa pag nadakop na kan mga pulis.
