LEGAZPI CITY- Isasairarom na sa inquest proceeding tangarig na masunadan nin kasong Robbery-Extortion an sarong miembro kan Albay Task Force Quarry makalihis na maarestar sa isinagibong entrapment operation sa Astrodome Compound kan Brgy. Baño sa ciudad kan Legazpi.
Napag-aramang kasuodma inarestar si Jose Glen Detera, 58-anyos asin sarong job order employee kan provincial government.
Sa intrevista kan Bombo Radyo Legazpi ki P/Supt. Aldwin Gamboa, hepe kan Legazpi City PNP, nagsumbong na sa pulisya si Dave Cua, pamayo kan task force makalihis na pagparahagadan kan P10, 000 na kantidad kan kwarta kan nasabing persona na kinalaunan suboot an may kaibanan nang huma.
Kaibanan sa mga ipig-aalegar ki Detera an suboot pagsambit kaini na rarautan si Cua sa publiko katakod kan pigsasabing iligal na aktibidad sa quarry sa paagi kan pagdulok sa Junta Provincial, gobernador asin sa media kan nasabing isyu.
Katakod kaini, pigplano na kan pulisya an pagkakasa kan entrapment kun sain dinakop si Detera makalihis na abutan kan “boodle money” ni Cua.
Sa presente, nakadetine na ini sa nasabing hepatura kan pulis mantang pigti-trace naman kan hepe kun sain dating nakadestino sai Detera na napag-aramang dismissed police mantang kapot man suboot an bako magayon na record.
