Balik Pilipinas an international rock band na My Chemical Romance para sa saindang concierto.
Sa sarong social media post, inanunsyar kan banda na ma-perform sinda sa Philippine Arena sa Bulacan sa Abril 25, 2026 bilang parte kan saindang Long Live The Black Parade Asia tour.
Sakop man kan saindang nakatalaang tour an mga nacion siring kan South Korea, Thailand, Singapore, Malaysia, asin Indonesia.
Magigiromdomang huring nagbisita an nasabing banda sa Pilipinas kan taong 2008 sa Bonifacio Global City sa Taguig.
Mientrastanto, nagkapira sa saindang mga famusong kanta an “Welcome to the Black Parade”, “Teenagers”, asin “Helena”.
