Nagpaabot nin pakikidumamay an Miss Universe Organization sa mga naapektaran kan Bagyong Tino o typhoon Kalmaegi sa Pilipinas asin Vietnam.
Sinabi ni reigning Miss Universe Victoria Kjaer, na nakikisumaro an organisasyon sa pamilyang nagsasapar ngunyan nin kadifisilan huli sa nasabing bagyo.
Inomaw man kaini an mga otoridad asin an rescue teams sa marikas na pagtabang sa mga naapektaran.
Naglalaom man an nasabing beauty queen na liwat na makakabangon an mga nacion na naapektaran kan kalamidad.
Ginibo kan Miss Universe Organization an pahayag mantang paparani an coronation night sa Nobyembre 21 sa Bangkok, Thailand kun sain representante kan Pilipinas si Ahtisa Manalo.
