LEGAZPI CITY—Arestado an pigbistong Rank No. 8 Municipal Most Wanted Person kan Magallanes, Sorsogon sa ikinundusir na operasyon kan Magallanes Municipal Police Station sa Camalig, Albay.
Naarestar an suspek na si alyas “Kano” sarong 24-anyos sa linaw kan warrant of arrest para sa kasong statutory rape by sexual intercourse na warang pigrekomendang piyansa.
Nasa kustodiya na kan mga otoridad an akusado asin dinara pabalik sa Magallanes para sa magkakanigong dokumentasyon asin disposisyon.
