LEGAZPI CITY—Natakdag sa kamot kan mga otoridad an municipal most wanted person kan Libon, Albay na may kasong murder sa Tanza, Cavite.
Segun ki PIO Libon Municipal Police Station Police Executive Master Sergeant Maribeth Corporal, sa intrevista kan Bombo Radyo Legazpi, susog sa ipinaluwas kan Regional Trial Court, Branch 13, 5th Judicial Region, Ligao City kan Disyembre 2009 sa saysay kan mandamiento de aresto, an kaso kan suspetsado warang ipigrekomendang piyansa.
Sinabi kan opisyal na sa tabang kan pakikipagkoordinar kan mga otoridad sa banwaan kan Tanza, Cavite naarestar an nasambit na suspetsado.
Mientrastanto, sa ngunyan an suspetsado pauli pa sana sa banwaan kan Libon asin ibubugtak sa kustodiya kan Libon MPS.
