LEGAZPI CITY — Nagkaigwa nin panibagong Phreatic Explosion an Mt. Bulusan sa probinsya kan Sorsogon.
Nagpuon an nasambitan na aktibidad kan bulkan bandang alas 10: 29 nin pagkabanggi asin nagdurar an pag-aalburuto kaini sa laog nin 12 minutos.
Sa impormasyon na ipinaabot ni Phivolcs resident volcanologist Ed Laguerta, sa ngunyan an dae pa maaraman an langkaw kan ibinugang abo kaini huli sa madikom na kan mangyari an aktibidad kan Bulusan.
Napag-araman na apektado kan nasambitan na pagbuga nin abo an mga barangay Monbon asin barangay Cogon sa banwaan kan Irosin sa nasambitan na probinsya.
Sa ngunyan an padagos pa an pigigibong pagbabantay kan Phivolcs asin kan PDRRMO-Sorsogon sa mga posible pang paghiro kan nasambitan na bukid.
