LEGAZPI CITY- Nagpartisipar an provincia kan Catanduanes sa ipigkondusir na trade fair sa ciudad kan Legazpi.
Segun ki Department of Trade and Industry Catanduanes Provincial Director Mabel Escueta sa intrevista kan Bombo Radyo Legazpi na obheto kan nasabing aktibidad na matabangan an nasa exibitors asin mga Micro, Small and Medium Enterprises na makabangon hali sa nagin epekto kan magkakasunod na kalamidad na tuminama sa island province.
Itinampok sa nasabing aktibidad an mga produkto na gibo sa provincia kan Catanduanes siring kan food items, coconut products, mga delorasyon asin dakol pang iba.
Pinaglalaoman na dakulang tabang an nasabing trade fair ngani na makabawi hali sa pagkalugi an mga saradit na negosyante na naapektaran kan magkakasunod na mga bagyo.
Madurar an nasabing aktibidad hasta ngunyan na aldaw, Disyembre 1.
Napag-araman na tampok man sa nasabing trade fair an mga paintings na gibo kan mga local artists ngani na mas maipahiling pa an talento kan mga Catanduanon.
Target kan ahensya na makatipon na labi sa P1 million na sales sa nasabing fair kun sain an 10% kan ganansya an itatao sa mga nangangaipo na mga kapwa negosyante.
