LEGAZPI CITY- Padagos an ipigkokondusir na imbestigasyon kan Ligao City Police Station katakod kan posibleng pagkakaarestar sa suspek sa panhahabon kan sarong motorsiklo sa Brgy. Herrera kan nasabing ciudad.
Napag-araman na pagsadiri kan biktimang si Elmer Ceresa, 45-anyos na sarong barangay kagawad an nasabing behikulo.
Susog sa inisyal na imbestigasyon kan pulisya, paramientras sanang ipinarada an motorsiklo na igwang plakang EC 83897 sa gilid kan tinampo asin hampang sana kan residencia.
Napag-araman man na nakasaksak an llave sa iginition switch kan motorsiklo antes ining iwalat.
Kumpiyansa man an mga opisyal na tulos na madadakop an dae pa nabibistong suspek na ipigladawan kan testigo na nakasulot nin itom na jacket mientras na pinadalagan pasiring sa Brgy. Tuburan kan nasabing ciudad.
.
Sa presente, pinag-aadalan naman an paninimbagan kaini sa ley en kasong madakop kan mga otoridad.
