LEGAZPI CITY– Dae na nakaabot pang buhay sa ospital an sarong motorista makalihis an nangyaring banggaan sa Barangay San Ramon Daraga, Albay.
Sa impormasyon na ipinaabot kan Daraga Municipal Police, nabisto an biktima na si Emilio Llena Jr., 41-anyos kan Barangay Bigao sa parehong banwaan.
Nagluluwas sa saindang imbestigasyon na pauli na si Llena sa Bigao lunad kan saiyang motor kan aksidenteng makabanggaan an saro pang motor na pigmamaneho ni Ryan Francis Miraballes, 27-anyos na residente kan parehong barangay.
Inokupar suboot ni Llena an linya ni Miraballes na gikan sa suway na direksyon na nagresulta sa matinding banggaan kan duwang behikulo.
Parehong nagsapar nin mga lugad sa payo asin hawak an mga ini na tulos man na idinalagan sa Bicol Regional Teaching and Training Hospital (BRTTH) alagad idineklarang dead on arrival si Llena kan nag-atindir na doktor.
Sa ngunyan, padagos pa an ipigsasagibong imbestigasyon kan pulisya katakod kan nangyaring insidente.
