LEGAZPI CITY — Gadan an sarong motorista makalihis na mabangga kan sarong pampasaherong bus sa banwaan kan Castilla, Sorsogon.
Binisto an bikitma na si Orlando Bungos, 23-anyos asin residente kan Brgy. Trece Martires, banwaan kan Casiguran.
Base sa inisyal na imbestigasyon kan Castilla Municipal Police asin sa naging pahayag kan witness na si Jayson Bacolod, pasakay an biktima sa saiyang motorsiklo na nakapark sa gilid kan National Highway kan biglang mabangga kan bus.
Marekas suboot an dalagan kan DLTB bus na may plate number UYE 163 na pasiring sa Sorsogon haleng ciudad kan Legazpi kun kaya aksidenteng nabangga an biktima na nagresulta sa tulos kaining pagkagadan.
Segun man ki Pol. S/Insp. Jorden Gutay, hepe kan nasambit na hepatura, boluntad mang nagsuko an driver na si Hermie Jumawan, 46-anyos na residente kan Makati City.
Sa ngonian, pighahanda na an kasong reckless imprudence resulting to homicide na isasangat laban sa suspek.
