Nagpasiring sa Korte Suprema an nagkapirang grupo nin mga abogado nganio na hagadon an paramientras na ipundo an ‘Impeachment Trial’ kontra ki Vice President Sara Duterte.
Sa pangengenot ni Atty. Israelito Torreon asin mga kaibanan na abogado, ipigsunad an ‘Very Urgent Manifestation with Motion’ sa Korte Suprema.
Obheto kan nasabing mosyon na mag-isyu an hukuman nin Status Quo Ante Order ngani na pugulan an Impeachment Court, mga opisyal, mga representante asin gabos na tauhan na ipagpadagos an paglilitis, pagresibe nin ebidensya, o proseso kan impeachment.
Mawot kaya kan mga petitioner na matawan muna nin linaw an naenot na petisyon na nagku-kwestyon sa legalidad kan nangyaring sesyon kan June 3, 2026 na nagpabago sa liderato kan Senado.
Hinagad man kan grupo sa Korte Suprema na mag-isyu nin kasuguan na nagtataram na dapat sanang magpadagos an ‘Impechment Trial’ kun ang Rules of Procedure an nasusunod asin an mga otoridad kan ‘presiding officer’ an dae nahahampang sa ‘unresolved constitutional challenge’.
Siring man, nilinaw ninda na an mosyon an bako dapit sa politika kundi sa pagigin valid asin uyon sa ley kan paglilitis o pagdangog kan ‘impeachment’ ki Vice President Sara Duterte.
