LEGAZPI CITY—Arestado sa kasong estafa an sarong lalaki makalihis na magtago nin 26 taon sa banwaan kan Tiwi, Albay.
Binisto an suspek na si alyas “Manny”, 69-anyos asin pigkonsiderar na most wanted person kan nasambitang banwaan.
Naarestar an suspek huli sa bisa kan mandamiento de aresto na may petsang Nobyembre 10, 1999, sa kasong Estafa na may pigrekomendang piyansa na P26,000 para sa temporamenteng libertad.
Sa presente nasa kustodiya kan Tiwi Municipal Police Station an suspek para sa magkakanigong dokumentasyon asin disposisyon.
