LEGAZPI CITY – Takdag sa kamot kan Legazpi City Police Station an sarong Most Wanted Drug Dealer sa Barangay Maoyod kan naunambitang ciudad.
Segun ki Legazpi CPS spokesperson Police Executive Master Sergeant Carlos Paña sa intrevista kan Bombo Radyo Legazpi na minidbid an suspetsado na si alyas “Eric”, 36 anyos asin residente kan naunambitang barangay.
Pigtaram pa kaini na naarestar an suspetsado sa bisa kan mandamiento de aresto sa irarom kan Criminal Case No. 17964 na ipinaluwas kan Enero 6 sa presenteng taon.
Nahahampang an suspetsado sa kasong pagbayolar sa Section 5 kan Article 2 kan Acta Republica numerado 9165 o Comprehensive Dangerous Drugs Act of 2002 na warang inirekomendang piyansa.
Sa presente, nasa kustodiya na ini kan Legazpi CPS para sa dokumentasyon asin magkakanigong disposisyon.
Pangapodan ni Paña sa publiko na punduhan na an paggamit kan ilegal na droga nin huli ta dae sinda mapundo asin kan mga nagkapirang law enforcement agency na madakop asin maubos an mga imbwelto sa mga siring kaining aktibidad.
