LEGAZI CITY- Liwat na tinawang-duon kan Philippine Institute of Volcanology and Seismology (PHIVOLCS) an mahigot na pagbabantay sa mga aktibidad kan bulkang Mayon sa tabang kan mga instrumento sa ibong kan pagbaba kan alerto sa Alert Level 3 status.
Katakod kaini, nag-apela si PHIVOLCS Dir. Renato Solidum sa mga Albayano sa intrevista kan Bombo Radyo Legazpi kan tabang sa pagmonitor asin pagprotehir sa mga ekipahe urog na moderno suboot an mga ini.
Segun pa ki Solidum, magigin salbado an mga residente sa palibot kan bulkan kun marhay man na nababantayan an mga monitoring instruments kan PHIVOLCS.
Kinontra man kaini an enot nang ipigsuhestiyon na pagkakaag kan espesyal na klase kan closed circuit television (CCTV) cameras sa paghadit na an mga ini pa an rauton o habunon.
Enot naman na naibareta an panghahabas kan nagkapirang solar panels asin battery packs sa monitoring station sa Brgy. Lidong, banwaan kan Sto. Domingo antes an pagputok kaitong Enero 13 mantang nasundan pa ini kan nakaaging bulan sana sa saro pang PHIVOLCS station sa Barangay Padang sa Legazpi City.
