LEGAZPI CITY—Nagpuon nang magpasada an modernized jeep gikan sa provincia kan Sorsogon na may rutang Sorsogon-Daraga-Legazpi.
Segun ki Sorsogon Integrated Transport Federation President Ramon Dealca, sa intrevista kan Bombo Radyo Legazpi, na an nasambit na modernized jeep may duwang unit sa ngunyan asin posibleng madugangan pa ini.
Dugang kaini na may kaibahan an pamasahe kan modernized jeep asin traditional jeep, kun saen an minimum sa modernized jeep nagkakantidad nin P15 mantang sa traditional an igwa man nin minimum na pamasahe na P12.
Pigtaram kan opisyal na sa paagi kan modernized jeep magigin magayon an epekto sa mga pasahero huli ta magigin komportable an saindang biyahe digdi.
