LEGAZPI CITY – Napasakamot kan mga otoridad ang rank 1 Regional Most Wanted Person kan Bicol asin pigtutukdong miyembro kan Concepcion Criminal Group makalihis ang matrayumpong pinagsarong operasyon kan mga otoridad.
Sa intrevista kan Bombo Radyo Legazpi kay PCol Julius Cubos Añonuevo, Provincial Director kan Albay Police Provincial Office, sinabi kaini na nakaresibe sinda nin impormasyon gikan sa intelligence unit sa lokasyon kan pinagtataguan kan suspek sa probinsya kan Laguna.
Binisto ining sa alyas na “Cardo”, 24 anyos asin residente kan barangay Buga sa banwaan kan Libon, Albay.
Dugang pa ni Añonuevo, dakulang katabangan ini sa kamawotan kan PNP sa pagpupuho asin dagos nang pagkakarunot kan nabanggit na notoryus na grupo.
Sa ngunyan, nasa 12 pa suboot na miyembro kan criminal group an padagos na pinaglalapag kan mga otoridad.
Inasigurar kan opisyal sa publiko na dae sinda mauntok sa paghahanap huli sa gabat kan mga kaso na nakomiter kan mga ini.
Mientastanto, ang nadakop na suspek an nakatalaang maghampang sa kasong 3 counts of kidnapping with murder na wara nin pinagrekomendang piyansa.
Kun babalikan, kan nakalihis na Enero 24, presenteng taon, kan nauli sa pagkakalagas kan buhay kan mismong lider kan criminal gang na si Gilbert Concepcion mientras na isiniserbi ang warrant of arrest kontra sa saiya kan tropa kan Parañaque City Police Station kan bigla na sana man na magpaputok ini nin badil na nagresulta sa madugong engkwentro na naging mitsa sa padiit diit na pagkabuwag kan nabanggit na grupo.
