LEGAZPI CITY—Boluntaryong nagsurender an sarong miyembro kan Communist Terrorist Group (CTG) sa mga otoridad sa banwaan kan Gubat, Sorsogon.
Segun ki Sorsogon Police Provincial Office Public Infomation Officer Police Major Arwin Destacamento, sa intrevista kan Bombo Radyo Legazpi, an nasambitang persona haloy nang miyembro kan grupo puon kan 2001 na may designasyon bilang medical asin radio operator.
Alagad, kan taong 2015, nag-lie low ini asin mawot na magbalik-loob na sa gobierno.
Kaiba man sa saiyang isinurender sa mga otoridad an M16 A1 rifle (Blackwater), duwang magazine, asin mga bala.
Basado sa kinudusir na tactical interrogation, mawot na kaini na magbagong-buhay, asin dae na kaini nagustuhan an sistema sa laog kan nasambitang rebeldeng grupo.
Mientrastanto, nasa kustodiya na ini kan PIU Sorsogon PPO para sa magkakanigong dokumentasyon asin proseso.
.
 voluntarily surrendered to the authorities in Gubat town, Sorsogon.){kind=link}