LEGAZPI CITY-Gadan an sarong 32-anyos na public school teacher asin dating national beauty pageant finalist makalihis na pagbabadilon mantang nasa laog kan saiyang behikulo sa hampang kan saindang harong sa San Manuel, Isabela, Biyernes ng gabi, Pebrero 13.
Binisto kan pulisya an biktima na si Lullete Jane Ramilo-De Guzman.
Susog sa imbestigasyon, nakatukaw siya sa laog kan sarong sport utility vehicle kaiba an saiyang tulong aki bandang alas 6:45 nin bangi sa Barangay Cabaritan kan pagbabadilon kan sarong dai pa bistong suspek na sakay kan motorsiklong warang plaka.
Nagpaputok nin pirang beses an suspek bago magtakas pasiring sa sirangang parte kan banwaan sa national highway.
Isinugod pa si Ramilo-De Guzman sa Manuel Roxas District Hospital alagad idineklarang dead on arrival huli sa sa mga tama nin bala sa pandok asin lawas.
Dai man suboot nadamay an saiyang mga aki alagad nasaksihan kaini an insidente.
Nagin runner-up si Ramilo-De Guzman sa 2013 Miss Philippines-Earth asin nakatanggap nin nagkapirang special awards bago nagpatuloy sa karera bilang paratukdo makalihis na makatapos sa University of Perpetual Help System-Isabela campus.
Mientrastanto, pdagos an imbestigasyon asin pigbubusisi an mga posibleng anggulo, kaiba an personal asin propesyonal na motibo.
