LEGAZPI CITY-Nai-rehistro an minor landslides o pagrasay nin daga sa duwang munisipalidad kan Catanduanes huli sa Bagyong Wilma.
Segun ki Catanduanes Provincial Disaster Risk Reduction and Management Office Emergency Operations Chief Roberto Monterola, sa intrevista kan Bombo Radyo Legazpi, na mantang passable na ini, nairehistro an minor landslide sa banwaan kan Gigmoto asin Viga na tulos man nindang nirespondihan.
Nagkaigwa man suboot nin pagbabaha sa manlain-lain na barangay kan Caramoan Island.
Naeksperyensyahan man sa provincia an dire-diretsong pag-uuran alagad wara man nin nai-report na mga casualty.
Wara man suboot nin mga nai-report na mga evacuees, afuera sa banwaan kan Bagamanoc kun sain igwang 13 mga nag-ebakwar asin 10 man sa banwaan kan Pandan.
Nakahanda man liwat an saindang ahensya sa pagkondusir nin clearing operation siring man an pagkakarga nin mga relief goods.
Padagos man an byahe sa mga pantalan afuera sa mga ferry tuyong banggi huli sa huma kan raot nin panahon.
Abiso sa publiko na nakaalerto sinda asin kun may aumang sitwasyon, an tulos i-report sa saindang ahensya ngani matawanan nin solusyon.
