LEGAZPI CITY—Nagkundusir an mga personahes kan Claveria Fire Station sa Masbate nin inspeksyon sa gabos na pasiliiadad sa lugar makalihis an namatean na magnitude 5.4 na linog kasoodmang Lunes, Hulyo 13.
Segun ki Claveria Fire Station Chief Administrative Fire Officer 1 Imie Largo, sa intrevista kan Bombo Radyo Legazpi, isinagibo an inspeksyon katabang an Municipal Disaster Risk Reduction and Management Office Claveria urog na sa mga eskwelahan sa saindang banwaan kun sain nakapagrehistro nin mga minor crack.
Segun saiya na an nagkapira digdi an dati nang inagihan kan linog asin sa presente may saro suboot na eskwelahan an nakapagrehistro nin sadit na mga bitak-bitak, na iyo an Claveria North Central School.
Wara man sindang nairehistrong mga cracks sa mga establishimiento sa nasabing lugar.
Dugang ni Largo, na malibotpa sinda sa mga masunod na aldaw sa nasasakupan partikularmente sa southern part kan Claveria nganing mainspeksyon pa an ibang eskwelahan asin ibang pasilidad.
Tulos man na nagresponde sinda asin an Municipal Disaster Risk Reduction and Management sa mga nai-report na nalibong o nahimatay na nagkapirang mga estudyante durante kan pagyugo asin idinara sa ospital.
Nagkundusir man an opisina nin basic training urog na pag-abot sa earthquake drill o maski fire drill sa mga eskwelahan.
Mientrastanto, mensahe man kan opisyal sa namamanwaan kan Claveria na iotob an proper execution en kaso may linog urog na an duck, cover, and hold, asin magpasirng sa sarong salbadong lugar na warang debris kun tapos na an pagyugo.
