Arestado an sarong Filipino American na ministro gikan sa Iglesia Ni Cristo (INC), na binisto na si Glennon Salvador Payabyab na soboot nagbalong makipaghilingan sa sarong 12-anyos na babae asin nagpadara nin bako magayon na mga mensahe.
Si Payabyab, 43-anyos, an naarestar kan Abril 3 sa Springville, Staten Island, New York alagad pinalibre makalihis an wara pang 24 oras, na nagkawsa nin takot sa komunidad.
Si Liza Vetland, sarong kapitbahay ni Payabyab, an nagheras kan saiyang saloobin sa social media, na sinabing namamatean nindang bako ligtas an saindang pamilya orog na harani sana an harong ni Payabyan sainda.
Nagpahayag nin pagkahandal si Vetland huli ta an order of protection na kapot ninda an bako bastante para maprotehiran an saindang aki, na ngonian natatakot na maglakaw pauli gikan sa eskwelahan.
Mientrastanto, sarong operasyon gikan sa Protect Our Children asin New York Police Department an nagresulta sa pag-kaarestar ki Payabyab makalihis na ini magkauyon na makipaghilingan sa aki.
Ini nahahampang sa kasong misdemeanor kan endangering the welfare of a child.
An kaso an nagkawsa nin matinding reaction gikan sa mga kapwa INC member, na nagsasabing bako ini sarong isolated case asin nangangapodan nin hustisya asin accountability.
, identified as Glennon Salvador Payabyab, has been arrested for allegedly attempting to meet with a 12-year-old girl and sending inappropriate messages.){kind=link}